मुक्ति नेपाल

गोलबजार, सिरहा, मधेश प्रदेश, नेपाल

फर्म/प्रशिक्षक/सहजकर्ता/परामर्शदाता रोस्टरमा सूचीकृत हुनका लागि आवेदन आह्वान

सूचना प्रकाशित मिति

२०८३/०५/०५

आवेदन दिने अन्तिम मिति: २०८३/०५/११ गते राति १२:०० बजे भित्र

मुक्ति नेपाल महिला, किशोरी, बालबालिका तथा सीमान्तकृत समुदायको अधिकार, लैङ्गिक समानता, लैङ्गिक हिंसा रोकथाम, बालअधिकार, यौन तथा प्रजनन स्वास्थ्य तथा अधिकार, मनोसामाजिक सहयोग, जीविकोपार्जन, क्षमता विकास तथा सामाजिक रूपान्तरणका क्षेत्रमा कार्यरत गैरसरकारी संस्था हो। संस्थाबाट सञ्चालन हुने विभिन्न परियोजना, तालिम, अभिमुखीकरण, परामर्श, सीप विकास तथा क्षमता अभिवृद्धिसम्बन्धी कार्यक्रमहरूका लागि आवश्यकतानुसार सेवा लिन सकिने योग्य फर्म, प्रशिक्षक, सहजकर्ता, विषयविज्ञ, परामर्शदाता तथा सेवा प्रदायकहरूको रोस्टर (Roster) तयार गर्न लागिएको हुँदा इच्छुक तथा योग्य व्यक्ति/फर्मबाट आवेदन आह्वान गरिएको छ।आवेदकले आफूले विशेषज्ञता हासिल गरेको एक वा एकभन्दा बढी विषय स्पष्ट रूपमा उल्लेख गरी, आफ्नो अद्यावधिक CV/Profile तथा रितपूर्वक इमेल गर्नुपर्नेछ।

आवश्यक विशेषज्ञता तथा न्यूनतम योग्यता

सामान्य अपेक्षा

आवेदकसँग सम्बन्धित विषयको सैद्धान्तिक ज्ञानसँगै व्यवहारिक अनुभव, सहभागीमैत्री तालिम तथा सहजीकरण क्षमता हुनुपर्नेछ। नेपाली भाषामा स्पष्ट रूपमा सहजीकरण गर्न सक्ने र मधेश प्रदेशमा कार्य अनुभव भएका आवेदकलाई प्राथमिकता दिइनेछ। स्थानीय भाषा विशेष गरी मैथिली भाषामा सहजीकरण गर्न सक्ने क्षमता थप योग्यता मानिनेछ। किशोरकिशोरी, महिला, बालबालिका, अपाङ्गता भएका व्यक्ति, सीमान्तकृत तथा जोखिममा रहेका समुदायसँग काम गरेको अनुभव भएका व्यक्ति/फर्मलाई प्राथमिकता दिइनेछ।

आवेदनसँग पेश गर्नुपर्ने कागजात

व्यक्तिगत प्रशिक्षक/सहजकर्ता/परामर्शदाताको हकमा

फर्म/कम्पनी/संस्थाको हकमा

आवेदन गर्ने तरिका

इच्छुक व्यक्ति वा फर्मले आफ्नो आवेदनमा कुन–कुन विषयमा रोस्टरमा सूचीकृत हुन चाहेको हो स्पष्ट रूपमा उल्लेख गरी, माग गरिएका कागजातहरू र संस्थाले उपलब्ध गराएको Roster Application Form पूर्ण रूपमा भरी सूचना प्रकाशित भएको मितिले ७ दिनभित्र पेश गर्नुपर्नेछ। एकभन्दा बढी क्षेत्रमा विशेषज्ञता भएको अवस्थामा आवेदकले सबै सम्बन्धित विशेषज्ञता Roster Application Form तथा CV मा स्पष्ट रूपमा उल्लेख गर्न सक्नेछन्। ईमेलमार्फत आवेदन पठाउँदा Subject मा: “Application for Roster – [Name of Expertise] – [Applicant Name]” उल्लेख गर्नुपर्नेछ।

Application for Roster – SRHR Trainer – Ram Kumar Yadav

आवेदन पेश गर्ने स्थान

मुक्ति नेपाल

गोलबजार, सिरहा, मधेश प्रदेश

ईमेल

[email protected]

रोस्टरमा आवेदन दिनु वा रोस्टरमा नाम समावेश हुनु मात्रले काम प्राप्त हुने सुनिश्चितता गर्ने छैन। संस्थाले कार्यक्रमको आवश्यकता, कार्यक्षेत्र, अनुभव, योग्यता, उपलब्धता, प्रस्तावित पारिश्रमिक तथा विगतको कार्यसम्पादनका आधारमा रोस्टरमा रहेका सेवा प्रदायकमध्येबाट आवश्यकतानुसार छनोट गर्नेछ।मुक्ति नेपालले प्राप्त आवेदनहरूको मूल्याङ्कन गरी उपयुक्त आवेदकलाई मात्र रोस्टरमा समावेश गर्ने अधिकार राख्दछ। आवश्यकताअनुसार थप कागजात, Reference Check, Interview वा Demonstration Session माग गर्न सकिनेछ। महिला, युवा, अपाङ्गता भएका व्यक्ति तथा सामाजिक रूपमा सीमान्तकृत समुदायका योग्य विशेषज्ञहरूलाई आवेदन दिन प्रोत्साहित गरिन्छ। सूचना प्रकाशित भएको मितिले ७ (सात) दिनभित्र प्राप्त आवेदनहरू मात्र मूल्याङ्कन प्रक्रियामा समावेश गरिनेछन्।

https://www.jobsnepal.com/faramaparashakashhakasahajakarataparamarashathata-rasatarama-sacakata-hanaka-lga-aavathana-aahavana-143775